Noticies
domingo, 29 enero 2017
2018 va ser perespecial
2018 va ser perespecial pa SKAMA LA REDE. N'ochobre vamos cumplir 15 años dende'l nuestru primer ensayu. Ansí que vamos preparar delles coses a lo llargo del añu pa festexalo.Pel momentu yá tenemos abierta la contratación y tamos confirmando los primeros conciertos.📱 646 91 19 48💻 skamalarede@hotmail.com
miércoles, 21 diciembre 2016
¡NOTICIES FRESQUES!
¿Pensabéis que tábemos muertos? Andábemos de parranda... y tamién preparando lo que va ser Glayíos 2017. Esti ciclu de conciertos planteóse va dos años como un intercambiu ente bandes y, dempués del Glayíos/Oihuak Fest de Gasteiz el pasáu mayu, tovía hai grupos asturianos que tienen pendiente enseña-yos a la xente euskaldun a qué suena'l nuestro son.
Dicho esto, enllénanos d'arguyu y gayola anunciavos que'l próximu 21 de xineru Skama la rede va tar nel nes fiestes de Sanbi, en Barakaldo, xunto a Egurra ta Kitto y Sarkor. Tais toes y toos convidaos a l'Asturies-Baraka conection!!
lunes, 12 diciembre 2016
ASOLÉYASE'L BESTIARIU 2
Esti xueves sal a la venta'l discu 'Bestiariu 2' nel que participamos col cantar 'El cámbaru skamáu'. ¡El meyor regalu nestes feches pa los neños... Y los mayores!
martes, 5 abril 2016
XUA DÉXANOS
Hai coses que nun nos presta anunciar y ésta ye una d'elles. El nuestru guitarrista, barbudu y repunante XUÁREZ vese obligáu a dexar SKAMA LA REDE por incompatibilidá llaboral y kilométrica. Queremos agradecé-y estos años (casi dende la fundación del grupu) con nós y concedé-y la 'Cláusula Josín' cola que podrá xubir a tocar unos cantares siempre que-y coincida. Mensaxe de Xuárez:
''Munches gracies por estos años... fui elexíu polos vecinos qu'elixen al alcalde, y l'alcalde qu'elixe a los vecinos del alcalde...".
¡¡¡Salú Xua!!!
martes, 2 febrero 2016
¡ABIERTA LA CONTRATACIÓN!
Mui bones a toos y toes, que vos teníemos abandonaos. Queremos comunicavos que yá ta abierta la contratación de SKAMA LA REDE pa esti 2016 y que podéis contactar a partir d'agora col grupu nel 646 91 19 48 o en skamalarede@hotmail.com.
Tamién queremos anunciavos que, depués d'unos años trabayando en comuña, Pablo Colinas (Furgonetas Lowcost) y SKAMA LA REDE separamos los nuestros caminos. La contratación pa los conciertos volvemos a facela nós mesmos.
Queremos agradecé-y a Colinas por tol trabayu d'estos años y deseá-y muncha suerte a partir d'agora. Con él vamos siguir trabayando, de toles formes, de forma puntual y con dalgunos proyectos que yá tan entamaos.
¡Vemonos nos conciertos!
lunes, 12 enero 2015
NOMINACIONES AMAS 2015
Esti añu tamos de celebración con dos nominaciones nos premios AMAS que nos toquen mui de cerca. Per un lláu, tenemos al nuesu trombonista (que tambien toca cola tarrancha y cola Patrulla Dixie) Fabián Díez como meyor músicu de lo nomao "otros instrumentos". Si Fabián, asina te ven los güeyos de los demás, tocando "otros instrumentos". Muncha suerte mozu, mereceste'l premiu. Per otru lláu, ta Navarro nomináu a meyor portada y diseñu pol discu "Avante". Con esi gran trabayu que fizo nun ye pa menos. Podéis votalos a los dos (o a los que vos de pola gana) na páxina web de los premios pinchando equi
Mucha suerte a tolos nominaos.
lunes, 29 septiembre 2014
NUEVA GALERÍA
Skama La Rede estrenamos galería dixital na nuestra web. Diremos xubiendo les semeyes de los nuesos conciertos ya andadures nesti nuevo espaciu. Podeis velo pinchando en la nuesa galería
Muches gracies a Ana Corredera, Pablo Quiroga y Patricia Campelo poles semeyes.
viernes, 29 agosto 2014
SUSPENDÍU CONCIERTU U-FUM FESTIVAL
ATENCIÓN. Comuníquennos la suspensión del U-FUM Festival, polo que nun actuaremos en Llanera'l 6 de setiembre. Podéis venos esi día en Bimenes. Podéis lleer el comunicáu oficial na páxina de facebook del festival
lunes, 11 agosto 2014
CARTEL DEFINITIVU
Ya ta na rede el cartel definitivu de los II Alcuentros Alternativos y Populares de Bimenes.
Taremos nel escenariu con La Tarrancha, El Drogas(solosolo), Arma X & Fran Rubio y Dani Antistailo
jueves, 31 julio 2014
NUEVU DISCU A LA VENTA
El discu ta en procesu de distribución pelos puntos de venta habituales. Pidímosvos un poquiñín de paciencia si tarda un poco en llegar. Vamos dir informándovos d'equi a poco d'onde lu podéis mercar.
Gracies pola respuesta del sábadu nel Rebolleres Rock, vendimos la gran mayoría de los 100 discos que llevemos y acabemos toles camisetes vieyes (habrá que sacar un modelu nuevu, ¿non?)
martes, 22 julio 2014
LLEGÓ AVANTE !!
Ta acabante llegar de la fábrica 'AVANTE', el nuestru discu nuevu. A la venta'l sábadu nel Festival Rebolleres Rock de Candás. Estos díes entama la distribución per tiendes, chigres y puntos de venta habituales de Skama La Rede y Goxe Producciones / L'Aguañaz.
jueves, 10 julio 2014
TAMOS D'ESTRENA
Igual tardemos más de la cuenta pero yá tamos equí con la nueva web de SKAMA LA REDE a la que pues acceder altraviés de dos dominios (skamalarede.com y skamalarede.net). Amás, tamién inaguremos el nuestru perfil en Twitter (@SkamaLaRede) que vien a complementar al que tenemos en Facebook (Skama La Rede) y abrimos la nuestra canal propia en Youtube (Skama La Rede).
Too ello pa que, nestos tiempos onde les redes sociales son tan importantes, puedas tar más averáu y informáu de l'actualidá del nuestru grupu. Esperemos que te preste... y, con esti enfotu, dámoste la oportunidá de sentir un segundu adelantu del discu nuevu. Ye'l cantar que-y da nome al trabayu, 'Avante'.
Si nun hai retrasos na fábrica, a cruciar los deos, el cuatru discu de SKAMA LA REDE va tar a la venta'l sábadu 26 de xunetu nel Festival Rebolleres Rock de Candás. Esi día vamos compartir escenariu de Reincidentes, Escuela de Odio y Rock'N'Guah.es.
lunes, 21 abril 2014
"AL PLATU VENDRÁS"
Esti xueves TPA estrena'l programa d'humor de la xente de 'Al platu vendrás' a les 22:45 hores. La sintonía va ser la parte instrumental del nuestru cantar 'Asturies borracha' que volvimos a grabar pa la ocasión n'Estudios Dynamita.¡Gracies por cuntar con nós!
miércoles, 15 enero 2014
EL LLUNES ENTRAMOS A GRABAR 'AVANTE', EL CUARTU DISCU DE SKAMA LA REDE.
Depués de munchos meses de trabayu, compatibilizáu colos conciertos, esti llunes 20 de xineru entramos nos Tutu Estudios de Corvera para grabar el nuestru cuartu discu.El CD va tener el nome de 'Avante' y va incluyir doce canciones. Diez van ser nueves y les otres dos van ser una versión de 'La casa gris' de Llan de Cubel y un vuelta de tuerca al cantar 'Coses de la edá' qu'enxertamos na maqueta 'Hestories absurdes'.Con Sergio y Ruboh a los mandos vamos entamar a grabar un trabayu que va volver a editar Discos L'Aguañaz.
martes, 7 enero 2014
NOTICIES!
Va unes selmanes contábemos perequí que venía a ensayar con nós Fabián Díez Zapico, que yá tuviera tocando con SKAMA LA REDE nos trés conciertos que diemos esti veranu en Bretaña. Yá podemos contavos que Fabián incorpórase como trombonista al grupu siempre que los sos compromisos con otres bandes como La Tarrancha y Patrulla Dixie-y lo permitan. ¡Asina que yá somos ocho sinvergüences enriba del escenariu! D'otru llau, recordámosvos que'l día 20 d'esti mes entramos a grabar 'Avante', el nuestru cuartu discu y que'l vienres 24 vamos tar tocando nel Festival Minero Rock de La Montaña (Torlavega - Cantabria). Tamos tamién pa zarrar nueves feches dientro y fuera d'Asturies. ¡Salú!
miércoles, 9 octubre 2013
FIN DE XIRA DEL 2013 NEL PAÍS VASCU
Esta fin de selmana vamos dar los últimos conciertos del 2013 y van ser nel País Vascu, una tierra cola que siempre tuviemos muncha relación desqu’empecemos y que va ser onde faigamos los últimos directos. Depués va tocar acabar de rematar los cantares nuevos pal nuestru cuatru discu que vamos empezar a grabar en xineru nos Estudios TUTU de Corvera y que va espublizar Discos L’Aguañaz.
miércoles, 25 septiembre 2013
ENTRAMOS A GRABAR UNA COLLABORACIÓN!
Esti xueves 3 d'ochobre vamos grabar nos Estudios TUTU de Corvera la nuestra collaboración pa un discu dedicáu a los cantares de chigre más populares d'Asturies y que va editar d'equí a poco Algamar Producciones. SKAMA LA REDE vamos facer una versión de los cantares "La Playa de Rebolleres" y "Soi de Verdicio" que, los más avezaos a los nuestros conciertos, yá conoceréis porque solemos tocales de xemes en cuando. D'otru llau, yá vos podemos contar, que'l cuatru discu de SKAMA LA REDE vamos empezar a grabalu'l próximu mes de xineru. Una vez más, en TUTU con Sergio Rodríguez de productor y Discos L'Aguañaz como compañía editora. El CD va dir acompañáu d'un DVD llamáu "Diez años con tastu a salitre" y que recoyer la historia del grupu nestos diez años con entrevistes y imáxenes de conciertos. El documental va ser obra del nuestru collaciu Pablo A. Quiroga.
lunes, 16 septiembre 2013
SKAMA LA REDE PARTICIPA EN "GIRANDO POR SALAS"
Por segundu añu de siguío, tamos apuntaos a la iniciativa "Girando por salas". Ye una iniciativa del Circuitu Estatal de Músiques Populares que va escoyer a 36 bandes y solistes p'actuar en dalgunos llugares del Estáu español. Pesie a que la decisión final va dala un xuráu, les 20 bandes y solites más votaes van tener un votu extra. Si queréis votar por Skama La Rede, ye tan fácil como rexistravos en www.girandoporsalas.com. Tenés hasta les 18 holes del llunes 30 de setiembre. Ye un minutín... y ye de baldre, ho!
martes, 20 agosto 2013
SUSPENDIDO EL CONCIERTU DE VERDICIO
Por motivos llaborales d'un de los miembros de SKAMA LA REDE, vémonos obligaos a suspender el conciertu d'esti sábadu qu'entra en Verdicio. Llamentamos tomar esta decisión pero les coses vinieron asina. Agradecemos a Las Dunas Verdicio la so comprensión y comprometémonos a buscar una fecha nueva pa tocar ellí.
viernes, 26 abril 2013
Skama La Rede a Lorient
Este año toca estrenarse en tierras francesas, la organización del Festival Intercéltico de Lorient han invitado a Skama La Rede a participar en la sección oficial del festival el próximo 8 de agosto en la localidad bretona.